12. desember, 2016

„Á bernskuslóðum í Ísrael“: frásaga í Prjóna-bóka-kaffi

Fimmtudagskvöldið 15. desember næstkomandi flytja Bergur Þorgeirsson forstöðumaður Snorrastofu og Sigríður Kristinsdóttir frásögu og sýna myndir frá ferð sem þó fóru nýverið til Ísrael.

Bergur á bernskuminningar frá landinu helga en þar dvaldi hann með foreldrum sínum  í 3 ár frá 5 ára aldri, 1963-1966.

Með ferðalaginu rættist langþráður draumur hans um að endurnýja þessi kynni.

Auk frásagnar Bergs og Sigríðar mætir Bjartmar Hannesson með nýju ljóðabókina sína.

Heitt verður á könnunni og jólabækurnar glóðvolgar.

Verslun Snorrastofu býður gestum afslátt á skarti þetta kvöld, sjá auglýsingu á heimasíðunni.

Verið öll velkomin.