Fréttir        Maí 2013                     Kynning á bókaútgáfu Snorrastofu 2. maí 2013 Snorrastofa efndi til kynningar á nýrri bók, From Nature to Script, ásamt öllum bókum hins þverfaglega og alþjóðlega Reykholtsverkefnis. Kynningin fór fram fimmtudaginn 2. maí kl. 16 í Fjöru, sal Menntavísindasviðs Háskóla Íslands við Stakkahlíð. Kynningin fólst í stuttri dagskrá og að henni lokinni var boðið til léttra veitinga. Kynningin var í samstarfi Snorrastofu, Sagnfræði-stofnunar Háskóla Íslands og fleiri aðila. Þess má geta að Snorrastofa hefur nú þegar gefið út samtals níu bækur, ýmist á eigin vegum eða í samvinnu við aðra. Bækur Reykholtsverkefnis eru nú alls sjö, en í þeim er mest áhersla lögð á Snorra Sturluson og tímabil hans í Reykholti.  Guðrún Sveinbjarnardóttir, Helgi Þorláksson og Bergur Þorgeirsson kampakát á bókakynningunni.                             Nánar um útgáfur Snorrastofu Myndir frá kynningunni  Ný bók frá Snorrastofu: From Nature to Script Snorrastofa gaf nýverið  út bókina From Nature to Script. Reykholt, Environ-ment, Centre, and Manuscript Making, sem útlegðist á íslensku, Frá náttúru til handrits. Reykholt, umhverfi, miðstöð og bókagerð.  Allir tíu kaflar bókarinnar hafa Reykholt og miðaldir að viðfangsefni þar sem Snorri Sturluson, hinn víðfrægi sagnaritari, skáld og höfðingi, stendur í forgrunni,  sá sem gerði Reykholt að miðstöð í víðasta skilningi, pólitískum, bókmenntalegum og kirkjulegum.  Víðfeðm áhrif  og glæsileiki einkenndu ævi hans þrátt fyrir harmrænan dauðdaga árið 1241. Nánar um útgáfuna Apríl 2013   Raspútín vekur áhuga                   Guðmundur Ólafsson hagfræðingur, sem búsettur er í Reykholti, kom færandi hendi í Snorrastofu þriðjudaginn 16. apríl s.l. og flutti fyrirlestur um Raspútín og hrun rússneska keisaradæmisins. Raspútín hefur lengi verið áleitið viðfangsefni sagnfræðinnar og aðsókn að fyrirlestri Guðmundar sýndi að enn er lifandi áhugi fyrir að vita meira um þennan sérkennilega örlagavald í rússneskri sögu. Kvöldið leið við leiftrandi og fræðandi erindi um sögu Rússlands og atburðarás í lífi Raspútín, sem nýlegar rannsóknir hafa sett í skýrara samhengi. Kynnir kvöldsins var Óskar Guðmundsson rithöfundur í Véum, sem gaf kvöldinu léttan og frjálslegan blæ, endu urðu umræður hinar fjörugustu í lokin. Myndir Nánar um fyrirlesturinn Mars 2013 Ánægjulegur áfangi í starfi Snorrastofu Ný sýning, Saga Snorra opnuð 16. mars s.l.                     Glatt var á hjalla í Reykholti þegar sýningin um Snorra Sturluson, sem lengi hefur verið í smíðum, var opnuð með formlegri athöfn. Við tilefnið voru flutt ávörp, tónlist og stofnuninni færðar veglegar listaverkagjafir. Menntamálaráðherra, Katrín Jakobsdóttir klippti á borðann, gestum bauðst að skoða sýninguna, öll húsakynni Reykholtskirkju-Snorrastofu og þiggja veitingar.   Nánar um hátíðina   Myndir (G.Ósk.) Myndir (G.Ósk, á Facebook) Snorri birtist í ýmsum myndum Við opnun sýningarinnar, Saga Snorra, jókst listaverkaeign Snorrastofu umtalsvert þegar Guðmundur Einarsson leirkera-smiður og Páll Guðmundsson frá Húsafelli færðu að gjöf myndir af Snorra. Páll Guðmunds-son leikur á flautu sína við afhendingu stein-þrykks síns af Snorra.   Guðmundur Einarsson við frummynd Sögumannsins eftir alnafna og afa, Guðmund frá Miðdal.                                       Nánar um hátíðina   Myndir (G.Ósk. á Facebook)   Fyrirlestrar í héraði   Vífill Karlsson fjallar um dreifingu byggðar frá landnámi fram á okkar daga Þriðjudaginn 12. mars s.l. fjallaði Vífill um ofangreint efni, sem myndar sögulegan hluta doktorsritgerðar hans. Hann lauk doktorsprófi frá Háskóla Íslands á síðasta ári og sinnir nú atvinnu-ráðgjafastarfi hjá Samtökum sveitarfélaga á Vesturlandi auk þess að starfa við Háskólann á Akureyri. Fyrirlesturinn var vel sóttur og að honum loknum spunnust hinar fjörlegustu umræður.   Myndir   Nánar um fyrirlesturinn Febrúar 2013   Áheyrendur flykkjast að Snorra H. Jóhannessyni refaskyttu                   Þriðjudagskvöldið 12. febrúar s.l. hélt Snorri H. Jóhannesson bóndi í Augastöðum erindi í Snorrastofu um íslenska refinn og samskipti manns og tófu í gegnum tíðina. Fyrirlesturinn nefndi hann "Það sást tófa" og segja má að Snorri hafi slegið aðsóknarmet þegar húsnæði bókhlöðunnar fylltist svo varla varð þverfótað fyrir stólum og fólki. Snorri fór á kostum í umfjöllun sinni um lágfótu og átti margar skemmtilegar veiðisögur uppi í erminni. Stemningin var í samræmi við það, afbragðsgóð.   Myndir   Nánar um fyrirlesturinn Janúar 2013   Borgfirskar sagnakonur fengu hlýjar móttökur                     Þriðjudaginn 15. janúar flutti Rósa Þorsteinsdóttir þjóðfræðingur fyrirlestur um Borg-firskar sagnakonur. Fyrirlesturinn var vel sóttur og umræður líflegar að honum loknum. Rósa sýndi meðal annars vef Ismús (ismus.is) þar sem stór hluti af þjóðfræðisafni Árnastofnunar er hýstur.                     Myndir   Nánar um fyrirlesturinn     Desember 2012   Skáldið í Reykholt Einar Kárason heimsótti Reykholt í Prjóna-bóka-kaffi fimmtudaginn 13. desember og kynnti verk sín, sem hann hefur unnið að undanförnu og hafa öll haft Sturlungu að sögusviði. Hann las jafnframt upp úr nýjustu bókinni, Skáld. Fjölmenni var á kvöldinu og auk kynningar Einars urður hinar skemmtilegustu umræður.   Meira um efni kvöldsins...   Myndir       Nóvember 2012   Norræna bókasafnavikan og Dagur íslenskrar tungu í Snorrastofu:   Yngstu borgararnir njóta upplestrar í ljósaskiptunum. Myndir. Prjóna-bóka-kaffi býður til bókakynningar með rithöfundinum Kristínu Steinsdóttur. Myndir. Kristín heimsækir Grunnskóla Borgarfjarðar á Degi íslenskrar tungu. Myndir.                           Norræna bókasafnavikan hófst mánudagsmorguninn 12. nóvember í bókhlöðunni. Þorvaldur Jónsson í Brekkukoti las fyrir yngstu kynslóðina texta úr Dýrunum í Hálsaskógi eftir Thorbjörn Egner. Prjóna-bóka-kaffið á fimmtudegi vikunnar bauð gestum til bókarkynningar. Kristín Steinsdóttir rithöfundur kynnti bók sína, Bjarna-Dísu. Á Degi íslenskrar tungu heimsótti Kristín allar deildir Grunnskóla Borgarfjarðar.   Yfirlit  vikunnar.....   Myndir   Norræn bókasöfn hvetja til vikunnar og þess að í henni bjóði söfnin til upplestra og hvers kyns viðburða sem styðja mættu lestur og sagnahefð um öll Norðurlönd. (http://bibliotek.org/is/) Fyrirlestraröð Snorrastofu 6. nóv.: Örnefni og skráning þeirra vekja verðskuldaða athygli   Ragnhildur Jónsdóttir umhverfis-landfræðingur gerði góða grein fyrir starfi, sem Félag adraðra í Borgarfjarðar-dölum hóf fyrir um 20 árum, og miðar að því að skrá og varðveita örnefni í Borgarfirði. Örnefnasjá Landmælinga Íslands hefur bætt við ótæmandi möguleikum á nýtingu þessarar vitneskju. Fyrirlesturinn var vel sóttur og umræður góðar að honum loknum. Hann var samstarfsverkefni Snorrastofu, Félags aldraðra og Landbúnaðarsafni Íslands á Hvanneyri. Myndir Námskeið í Laxdælu 5. nóvember                           Ármann Jakobsson heimsótti Reykholt og ræddi um drauma Guðrúnar Ósvífursdóttur við námskeiðsfólk í Laxdælu. Þetta var annað námskeiðskvöld vetrarins. Það næsta verður í byrjun janúar. Myndir Október 2012 Minningarfyrirlestur um Snorra Sturluson Bókhlöðu Snorrastofu 2. október 2012               Gunnar Á. Harðarson heimspekiprófessor fjallaði um rök tilver-unnar, skipulagsrök, sem Snorri ritar um í Formála Snorra Eddu. Hann taldi viðtekna túlkun textans hafa horft framhjá veigamiklum atriðum textans og að endurskoða þurfi þessa túlkun.                       Fyrirlesturinn var vel sóttur og umræður líflegar í lok hans.    Myndir...   Fyrsta námskeiðskvöldið í Laxdælu Landnámssetrinu í Borgarnesi 1. október 2012 Laxdæla rann ljúft af stað mánu-daginn 1. október. Helga Kress bókmennta-fræðingur leiddi hópinn með yfirskriftinni, Uppreisn kvenna í sagnahefð: Laxdæla. Þátttakendur, á Sögulofti Landnáms-seturs, fóru heim af kvöldinu með heit um að lesa söguna í ljósi erindis Helgu. Næsta kvöld verður í byrjun nóvember, þá í Bókhlöðu Snorra-stofu.   Myndir...   Viðburðaskrá vetrarins birt   Snorrastofa gefur nú eins og undanfarin haust út skrá yfir viðburði vetrarins, sem framundan er. Efni hennar er fjölbreytilegt og miðar að ræktun sögu og menningar eins og segir í skipulagsskrá stofnunarinnar. Skráin berst heimilum héraðsins þessa dagana en er auk þess birt hér á vefnum. Sjá viðburðaskrána September 2012   Viðbót við Snorra sögu Sturlusonar: Enn bætist efni við nýja sýningu um Snorra Sturluson, sem er í smíðum. Gísli frá merkingarfyrirtækinu Velmerkt kom hingað með efni í barnahornið, þar sem myndir úr Melsteðs-Eddu eru settar upp sem pússluspil. Nýja sýningin, sem fengið hefur nafnið Snorra saga Sturlusonar verður opnuð formlega 16. mars á nýju ári. Ágúst 2012 Minningarsjóður Guðmundar Böðvarssonar veitir Ljóðaverðlaun og Borgfirsk menningarverðlaun Nánar... Þóra Sigurðardóttir lýkur meistaraprófsnámi í hagnýtri ritstjórn og útgáfu frá H.Í. Þóra Sigurðardóttir frá Hellum í Bæjar-sveit er að góðu kunn hér í Snorrastofu. Hún starfaði hér við gestamóttöku sumarlangt árið 2010 og var hér í starfsnámi í hagnýtri ritstjórn og útgáfu.  Á síðasta vetri flutti Þóra fyrirlestur um heimspeki kvenna á vegum Snorrastofu. Hún útskrifaðist s.l. vor með meistarapróf við Íslensku- og menningardeild Háskóla Íslands. Verkefni hennar fólst í að ritstýra ráðstefnuritinu, From nature to script, sem Snorrastofa gefur út  næstunni. Meistaraprófsitgerð Þóru heitir Snorrastofa Reykholti í Borgarfirði, útgáfusaga og útgáfugreining. Þóra færði stofnuninni ritgerðina að gjöf. Snorrastofa óskar henni innilega til hamingju og þakkar vel unnið starf.      Júlí 2012   Björn tekinn við sem formaður stjórnar Björn Bjarnason, fyrrverandi ráðherra, hefur tekið við stöðu formanns stjórnar Snorrastofu, menningar- og miðaldaseturs í Reykholti. Meira...               Júní 2012 Svipmyndir frá önnum vorsins í Reykholti.... Saga Snorra. Ný sýning í burðarliðnum... Heimsókn nemenda á 50 ára útskriftar-afmæli... Christer's Resor með fjölda gesta.. Grunnskólanemendur auðga Reykholt... Ferð á slóðir Eyrbyggju... Ástríður og Jósep á Signýjar-stöðum...   Dagskrá um Erlend Gunnarsson...   Maí 2012         Merkum áfanga náð með útgáfu rits dr. Guðrúnar Sveinbjarnardóttur um fornleifa-rannsóknir í Reykholti: Reykholt – Archaeological Investigations at a High Status Farm in Western Iceland   Þjóðminjasafn Íslands og Snorrastofa gefa bókina út en í henni eru einnig kaflar eftir 20 innlenda og erlenda sérfræðinga sem komu að þessari umfangsmiklu rannsókn hér í Reykholti.  Nánar Mars 2012 Boðunardagur Maríu í Reykholtskirkju 25. mars Stúlknakór Reykjavíkur gengur til kirkju Eins og jafnan áður var boðunardagur Maríu í hávegum hafður í Reykholtskirkju. Dagurinn hófst með því að pílagrímar lögðu af stað frá Stóra-Ási kl. 9 að morgni, komu að Reykholti um kl. 14:30 þáðu veitingar og héldu til messu. Þar söng Stúlknakór Reykjavíkur undir stjórn Margrétar Pálmadóttur. Að messu lokinni bauð sóknarnefnd kirkjukaffi í safnaðarsal. Messan var samstarfsverkefni Hvanneyrar- Stafholts- og Reykholtsprestakalls og þjónuðu prestar þeirra allir að athöfninni. Myndir Margrét Ákadóttir og Guðfinna Guðnadóttir með myndina af Reykholtsskóla Á sama degi færði Margrét Ákadóttir staðnum mynd af Reykholtsskóla til varðveislu, sem nemendur 1952-'53 gáfu frú Önnu Bjarnadóttur kennara. Myndin er úr eigu barnabarns frú Önnu og sr. Einars, Önnu Margrétar Einarsdóttur. Myndir Sunnlenskur myndlistarmaður lífgar upp á vígásana   Um þessar mundir er myndlistarmaðurinn Hallur Karl Hinriksson að störfum hér í Snorrastofu við að mála vígásana sem fyrirhugað er að verði í anddyri sýningarinnar um Snorra Sturluson, sem opnuð verður í sumar... Hallur Karl að störfum Vígásarnir eru að taka á sig mikið líf í höndum listamannsins og hafa glatt geskomandi ferðamenn sem geta fylgst með Halli að störfum í sýningarsalnum. Nánar Myndir frá vígásamálun  Hallur Karl og Óskar Guðmundsson Ungur brautryðjandi í heimspeki kveður sér hljóðs  Þóra Björg Sigurðardóttir heimspekingur flutti fyrirlestur þriðjud. 20. mars og greindi þar frá tilraun, sem hún átti hlut að og gerð var við Háskóla Íslands til að koma heimspeki kvenna að við kennslu í inngangsnámskeið í Nýaldarheimspeki. Fyrirlesturinn greindi einnig frá hvað kvenheimspekingar hafa lagt til verka sígildra karlheimspekinga og heimspekin skoðuð út frá sjónarhorni kvenna, stöðu kvenna og kvenréttinda-baráttunni.   Áður en fyrirlesturinn hófst afhenti Pétur Jónsson á Hellum, afi fyrirlesarans, ljósprentaða Skarðsbók að gjöf, sem Bergur Þorgeirsson þakkaði fyrir. Fyrilesturinn var fjölsóttur og umræður hinar líflegustu. Sjá nánar um fyrirlesturinn Febrúar 2012 Menningin skilar arði í þjóðarbúið Dr. Ágúst Einarsson prófessor flutti á dögunum áhugavert erindi, sem hann nefndi, Hagræn áhrif menningar. Niðurstöður rannsókna hans sýna að menning og skapandi greinar skila þjóðarbúinu umtalsverðum  tekjum og störf í þessum geira skipa sífellt stærri sess. Ágúst taldi að tækifæri framtíðarinnar lægju í þessum vaxtarsprota og færði fyrir því margvísleg og merkileg rök. Glærur dr. Ágústs Myndir Nánar um fyrirlesturinn Áhugavert málþing um fjölmiðla Magnús Magnússon ritstjóri Á fjórtánda afmælisdegi Skessuhorns, laugardaginn 18. febrúar, bauð blaðið ásamt Snorrastofu til áhugaverðs málþings um stöðu og hlutverk fjölmiðla á landsbyggðinni. Dagskrá þingsins Myndir Umfjöllun Skessuhorns um þingið Janúar 2012 Hernámsárin og hannyrðir             Síðastliðin vika var lífleg í Snorrastofu. Reyndar hófst hún með því að fresta varð námskeiðskvöldi í Eyrbyggju vegna veðurs, en stemmingin reis á þriðjudeginum þegar Heiðar Lind Hansson hélt fyrirlestur sinn um Hernámsárin í Borgarfirði 1940-1943, áhrif þeirra og birtingamynd. Þetta var jómfrúarfyrirlestur Heiðars, sem hefur nýlokið M.A. prófi í sagnfræði frá London School of Economics and Political Science. Fyrirlesturinn byggði hann á B.A. ritgerð sinni um sama efni og greinilegur áhugi áheyrenda birtist í afar góðri mætingu og hressilegum og fjölbreyttum umræðum að fyrirlestri loknum. Nánar um fyrirlesturinn og Prjóna-bóka-kaffi vikunnar. Myndir Desember 2011 Aðventu- og jólastemming í Reykholti Auk bókmenntanna hljómuðu tónar í Reykholti, sem gáfu aðventu og jólum í Reykholti hátíðlegan blæ. Borgfirsk ungmenni á jólatónleikum                             Rúsínan í pylsuendanum telst vafalaust vera framtak borgfirsku ungmennanna, sem buðu til tónleika á milli jóla og nýárs. Þar kom fram myndarlegur hópur, sem auðgaði jólahátíðina með fjölbreyttri og metnaðarfullri tónleikadagskrá. Nánar Myndir Umfjöllun í Skessuhorni: Gísli Einarsson - Guðlaugur Óskarsson  Nánar um viðburði aðventunnar: Aðventutónleikar Kóraborgar. Nánar - Mynd Óskar Guðmundsson á heimaslóð: Brautryðjandinn og Borgfirðingar. Nánar - Myndir Tónleikar Kammersveitar Reykjavíkur. Nánar - Mynd     Nóvember 2011 Norræna bókasafnsvikan lífleg í Snorrastofu Þórarinn Eldjárn: Völumál og Hávaspá, fyrirlestur í Snorrastofu   Nánar - Myndir Heimsókn í Grunnskóla Borgarfjarðar     Myndir   Þórarinn Eldjárn á tali við nemendur     Kristín Á. Ólafsdóttir: Upplestur í Prjóna-bóka-kaffi úr bók Mikael Niemi, Rokkað í Vittula   Nánar - Myndir          Samantekt um vikuna   Kristín Á. Ólafsdóttir les Fleiri viðburðir haustsins, svipmyndir... Reykholtsskóli 80 ára, afmælishátíð... Vökudagar á Akranesi með Óskari Guðmundssyni... Prjóna-bóka-kaffið... Fornsagnanámskeið um Eyrbyggju... Í minningu Sveins Skorra... Minningarfyrirlestur Viðars Pálssonar... Október 2011 Perlur í Reykholsdal, myndir Guðlaugs Óskarssonar Nú hefur verið sett upp myndasýning í anddyri Gestastofu, Perlur í Reykholtsdal. Höfundur myndanna er Guðlaugur Óskarsson, en hann hefur að undanförnu lagt sig eftir að mynda Reykholt og fallega staði í dalnum. Nánar  Hollvinafélag Reykholts stofnað Snorrastofa hefur stofnað Hollvinafélag, sem opið er öllum, sem styðja vilja áframhaldandi uppbyggingu í Reykholti. Félagar fá frían aðgang að sýningum Snorrastofu fyrir tvo, eins oft og þeir kjósa og njóta auk þess 15% afsláttar í versluninni í Gestastofu. Félagsgjald er kr. 5.000 Sjá bækling um Hollvinafélagið Viðburðaskrá Snorrastofu 2011-2012  er komin út Snorrastofa hefur gefið út skrá um viðburði frá haustdögum fram á næsta vor. Kennir þar margra grasa og óhætt er að segja að fjölmargir leggi stofnuninni lið við að rækja sögu og menningu í víðasta skilningi þess orðs, auk þess að taka til umfjöllunar samfélagsmálefni líðandi stundar.  Viðburðaskránni er dreift á hvert heimili í Borgarbyggð og Hvalfjarðarsveit og er ennfremur gerð veftæk hér á heimasíðunni. Smellið hér til að sjá Viðburðaskrána September 2011 Áhugaverður fyrirlestur Viðars Pálssonar Þann 27. september s.l. flutti Viðar Pálsson minningarfyrirlestur í tilefni af ártíð Snorra Sturlusonar. Hann nefndi fyrirlesturinn, Einstaklingurinn og listaverkið. Hugmyndafræðilegar rætur íslenska skólans. Hann fjallaði m.a. um þá alþjóðlegu strauma, sem léku um Sigurð Nordal og Einar Ól. Sveinsson, er þeir mótuðu hinn svokallaða íslenska skóla í rannsóknum á forníslenskri menningu og bókmenntum og nefndi sérstaklega til sögunnar Jacob Burckhardt. Að loknum fyrirlestrinum spunnust líflegar umræður fyrirlesara og gesta. Nánar... Myndir Emily Lethbridge á ferð í Reykholti Fyrir skömmu dvaldi hér í Snorrastofu dr. Emily Lethbridge, sem ferðast nú um landið til að skoða umhverfi u.þ.b. 35 Íslendingasagna og með hvaða hætti þær lifa áfram í hugum fólksins, sem þar býr. Hún hefur í leiðangri sínum m.a. unnið athyglisvert myndband um Dýrafjörð og Gísla sögu Súrssonar út frá þessu sjónarhorni og birt á vef Háskólans í Cambridge. Hér í Reykholti snerist rannsókn hennar um Hænsa-Þóris sögu. Emily er þekkt fyrir gamla sjúkrabílinn, sem hún keypti á sínum tíma á Englandi og notar hér til ferðalaga og bústaðar. Hún starfar við Háskólann í Cambridge á Englandi. Frekari upplýsingar um Emily má nálgast á síðu hennar http://sagasteads.blogspot.com/ Myndir Námskeið um Snorra hjá Endurmenntun Háskóla Íslands Snorri Sturluson hefur sett meira mark á Íslandssöguna og menningarsögu í Vestur-Evrópu en flestir aðrir einstaklingar. Í ævisögu hans, Snorri - ævisaga Snorra Sturlusonar 1179-1241 eftir Óskar Guðmundsson, er sögð saga mikilhæfs manns sem þurfti að kljást við konunga í útlöndum, höfðingja heima fyrir, börnin sín og breyskleika. En þessi maður sem barðist við heiminn fyrir átta öldum sigraði hann líka með bókmenntunum. Umsóknarfrestur er til 11. nóvember. Nánar Ævisaga Snorra Sturlusonar eftir Óskar Guðmundsson, er komin út á þýsku Ævisaga Snorra Sturlusonar eftir Óskar Guðmundsson, er komin út á þýsku í þýðingu dr. Reginu Jucknies sem kennir við Háskólann í Köln, en formála ritar Rudolf Simek prófessor í germönskum fræðum við háskólann í Bonn. Heitið á þýsku, Snorri Sturluson – Homer des Nordens, undirstrikar þá lykilstöðu, sem Snorri hefur í heimsbókmenntunum. Óskar Guðmundsson verður gestur Bókasýningarinnar í Frankfurt, 12. – 16. október n.k. þar sem íslenskar bækur verða í öndvegi. Þar verður þessi nýja ævisaga Snorra kynnt sérstaklega, en Böhlau-forlagið þýska gefur bókina út. Ævisaga Snorra var gefin út á íslensku hjá Forlaginu í Reykjavík árið 2009. Fornsagnanámskeið vetrarins verður Eyrbyggja Snorrastofa, Símenntunarmiðstöð Vesturlands og Landnámssetrið í Borgarnesi standa á komandi vetri fyrir námskeiði í fornsögum eins og venja hefur verið. Fyrir valinu að þessu sinni varð Eyrbyggja. Námskeiðið hefst í Landnámssetrinu, mánudagskvöldið 3. okt. kl. 20 Kennarar eru allt virtir sérfræðingar, hver á sínu sviði. Námskeiðið verður samtals 6 mánudagskvöld, til skiptis í Snorrastofu og Landnámssetrinu. Skráning á námskeiðið fer fram hjá Símenntunarmiðstöð Vesturlands, Bjarnarbraut 8 í Borgarnesi, s.: 437 2390, á vef:http://simenntun.is netfang: simenntun@simenntun.is  Nánar... Norski tréskurðaðameistarinn  vakti athygli  Norski tréskurðarmeistarinn Bjarte Aarseth dvaldi hér í byrjun júlí við útskurð á vígásum nýrrar sýningar um Snorra Sturluson, sem nú er í burðarliðnum. Til að ljúka útskurðinum kom hann aftur síðla sumars, 25. ágúst og var hér í nokkra daga til viðbótar. Hann vann verk sitt í sýningarrými í  safnaðarsalnum og bauð gestum að fylgjast með og fræðast um verkið. Bjarte vakti mikla athygli og margir nýttu sér tækifærið til að fylgjast með meistara í útskurði.  Meira... Myndir Í byrjun júlí 2011... Snorralaug í viðgerð Unnið er að því að lagfæra frárennsli Snorralaugar, sem er í umsjá Fonleifaverndar ríkisins. Það er Guðni Guðnason pípulagningameistari, sem sér um viðgerðina ásamt staðarins mönnum, Tryggva Konráðssyni og Kristjáni Welbes. Myndir 25. júní 2011... Sveitamarkaður Framfarafélagsins Þorvaldur Jónsson léttir mönnum lundina Það var líf og fjör á sveitamarkaði Framfarafélags Borgfirðinga, sem haldinn var á túninu við Reykholt síðast liðinn laugardag. Veðrið var eins og best verður á kosið og regluleg sumarstemning myndaðist. Gestir gátu keypt sér kaffisopa og meðlæti, Þorvaldur í Brekkukoti létti mönnum lífið með harmonikkuleik og söng, krakkarnir grilluðu víkingabrauð og fóru í ratleik að ógleymdum markaðnum sjálfum þar sem sveitungar kynntu og seldu margvíslegar afurðir og uppátæki. Segja má að hinn sögufræði staður Reykholt hafi fengið hressilega andlitslyftingu á meðan á markaðnum stóð og kunnað henni vel. Myndir 16. og 17. júní 2011...   Höskuldarvaka og þjóðhátíð Fánaberar í kirkjureiðinni, Eyjólfur Gíslason og Sigríður Harðardóttir   Snorrastofa og Ungmennafélag Reykdæla stóðu saman að hátíðardagskrá þ. 16. og 17. júní s.l. Minnst var hestamannsins Höskuldar Eyjólfssonar frá Hofsstöðum, sem lést vorið 1994 þá á rúmlega 101 árs. Hann var um margt eftirminnilegur og hafði  afgerandi áhrif á þróun hestamennskunnar. Efnt var til kvölddagskrár í Logalandi og á þjóðhátíðardaginn var riðin hópreið til messu í Reykholti, Páll Guðmundsson við verk sitt í Húsafelli eins og jafnan fyrr á þjóðhátíð, afhjúpaður minnis-varði um Höskuld að henni lokinni og Höskuldargerði vígt, en það er hrossarétt, sem hlaðin hefur verið í túnfæti Reykholts. Að svo búnu var haldiði til hefðbundinnar þjóðhátíðardag-skrár í Logalandi. Margt manna sótti þessa viðburði, sem tókust í alla staði vel. Nánar Myndir frá undirbúningi Hátíðin í Logalandi var fjölsótt   Myndir frá Höskuldarvöku                 Vorið kom í Reykholt  - og skólahóparnir     Vorinu fylgja jafnan skemmtilegar heimsóknir eins og skólahópar, sem numið hafa um Snorra Sturluson og eru komnir til að fræðast enn frekar um hann. Krakkarnir eru vel að sér og hlusta gjarnan á sr. Geir Waage segja frá ýmsu sem tengist Snorra og fara síðan um heimkynni rithöfundarins og höfðingjans hér í Reykholti.  Síðasti hópurinn, sem að þessu sinni var úr Hofsstaðaskóla, kom hér 6. júní. Hann var sérlega áhugasamur og sýndi fyrirmyndarframkomu. Myndirnar voru teknar í kirkjunni með sr. Geir. Myndir    (Ljósm. Guðlaugur Óskarsson) Mars 2011   Vel  heppnað málþing um vatnasvæði Hvítár                             Laugardaginn 19. mars s.l. stóðu Snorrastofa og Veiðmálastofnun fyrir málþinginu, Vatnasvæði Hvítár. Búsvæði, veiðinýting - sjálfbærni til framtíðar. Veðráttan  blés ekki  byrlega til samkomuhalds en aðstandendur málþingsins  og áhugamenn  um veiðimálefni  létu það ekkert á sig fá og mættu til leiks á tilsettum tíma. Óvenjumikið var um að vera í menningar- og samkomumálum héraðsins þessa helgi, en aðsókn að málþinginu var samt sem áður góð og eftir fróðleg erindi urðu líflegar umræður.   Nánar Myndir Viðbótarstólar Föstudaginn 11. mars var nokkur handagangur í öskjunni hjá Þorvaldi Jónssyni formanni sóknarnefndar og Tryggva Konráðssyni staðarráðsmanni þegar þeir tóku upp nýja fellistóla, sem nýtast munu við stærri athafnir. Myndir Febrúar 2011   Kristnihald undir Jökli vekur áhuga                                     Haukur Júlíusson á Hvanneyri flutti fyrirlestur 22. febrúar s.l., sem hann nefndi „Ég jarðsyng akkúrat ekki nokkurn einasta anskotans mann" Svipast um undir Jökli. Þar vísar Haukur í orð Jóns Prímusar í Kristnihaldinu, sem hann gerði að umfjöllunarefni kvöldsins. Haukur kallaði til frásagnar og spjalls Kjartan Ragnarsson leikara, sem tók á sínum tíma þátt í uppfærslu á leikgerð verksins með Sveini Einarssyni í Iðnó.  Segja má að þeir félagar hafi leikið á als oddi og beinlínis fært áheyrendur inn í söguna og tilurð hennar. Kvöldið reyndist höfða til margra og var hvert sæti skipað á fyrirlestrinum. Myndir Nánar  Nýr skrúði kirkjunnar vígður Daginn eftir Þorrablót Reykdæla, sunnudaginn 7. febrúar var Kyndilmessan haldin hátíðleg í Reykholtskirkju að venju. Í messugjörðinni var vígður nýr skrúði sem Margrét Gunnlaugsdóttir hefur saumað, en hún gerði altarisklæðið fyrir altari Pétursstúkunnar í kirkjunni. Það klæði er af bláu vaðmáli, eftirgerð klæðis frá 1719, farurlega útsaumað. Nýi skrúðinn er einnig af bláu vaðmáli, blómum prýddur. Nánar Myndir Grettla á góðri siglingu                              Grettis saga er til umfjöllunar á fornsagnanámskeiði Snorrastofu, Landnámsseturs og Símenntunarmiðstöðvar Vesturlands. Óvenjumargir eru skráðir á námskeiðið, sem er til skiptis í Landnámssetri og Snorrastofu. Mánudaginn 7. febrúar mætti hópurinn í Snorrastofu til að hlusta á Viðar Hreinsson fjalla um Grettlu sem fyrstu nútímaskáldsöguna.   Nánar Myndir Janúar 2011   Nýjung í bókhlöðunni   Prjóna - bóka - kaffi:                         Bókhlaðan hefur boðið til handavinnu og bókakvölda, sem mælst hafa vel fyrir. Gestir hafa komið með handavinnuna sína og deilt hugmyndum um hana og bóklestur, auk annarra áhugamála. Áætlað er að þessi kvöld verði á fimmtudögum á hálfsmánaðar fresti fram til vors.  Nánar Myndir   Mikill áhugi á klaustrinu í Bæ                           Bókhlaða Snorrastofu fylltist þriðjudaginn 1. febrúar  af áhugasömum tilheyrendum á fyrirlestur sr. Flóka Kristins-sonar, Klaustrið í Bæ á árunum 1030-1049. Hugleiðingar um Hróðólf ábóta og hlutverk klaustursins. Ljóst er að í Bæ liggja órannsakaðar minjar um merkilegan tíma í sögu þjóðarinnar. Myndir Góðir gestir í heimsókn   Sendiherra Noregs:   Þriðjudaginn 1. febrúar kom sendiherra Noregs, Dag Wernø Holter í heimsókn í Reykholt. Með honum í för var nýr sendiráðsritari, May Helene Worvik og Per R. Landrø, menningar- og upplýsingafulltrúi. Myndir       Nemendur Grunnskóla Borgarfjarðar:                                Ánægjulegt var að taka á móti nemendum úr 6. bekk í Kleppjárnsreykjadeild Grunnskóla Borgarfjarðar þegar þau komu í heimsókn á dögunum með sögukennara sínum Þóru Magnúsdóttur. Sr. Geir tók á móti hópnum, sem þáði fræðslu um Snorra Sturluson og fleira, sem tengist Reykholti. Þá var einnig komið við í Bókhlöðunni.  Myndir   Góð mæting í Prjóna-bóka-kaffi Margir mættu með handavinnuna sína og deildu hugmyndum um handavinnu og bækur á prjóna-bóka-kaffi, sem haldið var fimmtudagskvöldið 20. janúar s.l. Ákveðið var að hittast aftur að hálfum mánuði liðnum, fimmtudagskvöldið 3. febrúar. Bókhlaðan er opin þetta kvöld til útlána. Desember 2010 Ljóðlistin blómstraði á bókakynningu Skemmtileg stemning var á bókakynningu þann 14. desember þegar saman komu skáld af margvíslegum toga. Kynnt var heildarútgáfa á verkum Hallgríms Péturssonar og núlifandi skáld lásu úr verkum sínum. Umsögn  Nánar Myndir Styrkur úr Þjóðhátíðarsjóði Þann 1. desember s.l. fékk Snorrastofa afhentan styrk úr Þjóðhátíðarsjóði  til sýningar þeirrar, sem nú er í burðarliðnum, um Snorra Sturluson. Fyrirlestur í héraði á Degi íslenskrar tungu, 16. nóvember Ingimar Sveinsson kennari og hestamaður hélt fyrirlestur um íslenska hestinn, sérstöðu hans og sérkenni, og kynnti bók sína Hrossafræði Ingimars, sem kemur út hjá Uppheimum um þessar mundir. Góð aðsókn var að fyrirlestrinum. Í hópi gesta voru  að sjálfsögðu margir hestamenn.  Nánar Myndir Húsfyllir á Akranesi Svöfusalur í Bókasafni Akraness fylltist af áhugasömum áheyrendum á dagskrá Snorrastofu og bókasafnsins á Vökudögum. Dagskráin nefndist Kvöldstund með Kristrúnu á Bjargi. Þorsteinn frá Hamri las úr bók sinni, Bragi Þórðarson sömuleiðis og Snorri Þorsteinsson fjallaði lítillega um bók Þorsteins, Hallgrímur smali og húsfreyjan á Bjargi.                  Nánar  Myndir Október 2010 Vinnufundur í Reykholtsverkefninu Þann 22. og 23. október s.l. var haldinn umræðufundur í Reykholtsverkefninu, sem Snorrastofa stendur að ásamt fleiri stofnunum. Efni fundarins var útgáfa á lokariti verkefnisins, sem nú er í burðarliðnum.  Meginmarkmið verkefnisins er að varpa ljósi á valdasamþjöppun á þjóðveldistíma, tilurð pólitískra og kirkjulegra miðstöðva og tengsl þessa við landsnytjar, byggðarþróun og bókmenntasköpun. Reykholt í tíð Snorra Sturlusonar er kjarninn í rannsókninni og kannaðar verða norrænar og vesturevrópskar hliðstæður. Áformað er að gera þetta með því að sameina rannsóknir á sviði hugvísinda, félagsvísinda og raun-vísinda. Dagskrá fundarins Myndir Október 2010 Athyglisverð bók um Reykholt til forna, eftir Benedikt Eyþórsson, sagnfræðing Búskapur og rekstur staðar í Reykholti 1200-1900 kom úr árið 2008 og er þriðja bókin í ritröðinni Meistaraprófs-ritgerðir sem Sagnfræðistofnun Háskóla Íslands gefur út.   Benedikt Eyþórsson lauk M.A.-prófi frá Háskóla Íslands í febrúar 2007. Hann hefur tekið virkan þátt í hinu þver-faglega og alþjóðlega Reykholts-verkefni frá hausti 2001 og haldið erindi og skrifað greinar um staðinn og sögu hans. Sjá nánar Október 2010 Metaðsókn að námskeiði um Grettlu Metaðsókn er að námskeiði um Grettis sögu Ásmundarsonar, sem Snorrastofa, Landnámssetur Íslands og Símenntunar-miðstöðin á Vesturlandi halda. Samtals hafa 24 skráð sig á námskeiðið, en námskeiðahald þessara stofnana hefur nú varað í 6 ár. Starfsemi þessi hófst árið 2005 með námskeiði um Egils sögu og síðan hefur hvert námskeiðið tekið við af öðru. Þar má nefna Brennu-Njáls sögu, Fornaldarsögur Norðurlanda, námskeið í Norrænni goðafræði, Íslendingasögur á Vesturlandi, konur á miðöldum, landnám Íslands og Snorra og Sturlungaöldina.    Fleiri myndir   Um námskeið Snorrastofu Menningar- og söguferðaþjónusta 14. - 17. október Námskeiðið, Menningar- og söguferðaþjónusta, sem er samstarfs-verkefni Háskóla Íslands og Snorrastofu, verður haldið nú um helgina í Hátíðarsal Snorrastofu. Námskeiðið er hluti meistaranáms í Hagnýtri menningarmiðlun við Sagnfræði- og heimspekideild H.Í. Aðalkennarar verða Eggert Þór Bernharðsson og Guðbrandur Benediktsson, en nokkrir aðrir munu einnig koma að kennslunni. Námskeiðslýsing Myndir frá námskeiðsdögum Vetrardagskrá Snorrastofu ýtt úr vör   Snorrastofa hefur gefið út viðburðaskrá yfir alla viðburði á vegum hennar á komandi vetri. Viðburðaskrána má nálgast hér.  Fornsagnanámskeið Námskeið í Grettis sögu er hafið. Það er á vegum Snorrastofu, Landnámsseturs og Símenntunarmiðstöðvarinna á Vesturlandi. Skráning fer fram á http://simenntun.is Nánar um námskeiðið Fyrsti fyrirlestur í héraði Fyrsti viðburður vetrarins var fyrirlestur Óskars Guðmundssonar þann 23. september s.l. á ártíð Snorra Sturlusonar, "Það var fyrir átta öldum. Dvöl Guðmundar góða í Reykholti, ástúð og pólitík þeirra Snorra Sturlusonar". Góð aðsókn var að fyrirlestrinum og gott andrúmsloft ríkti yfir kvöldinu. Meira um fyrirlesturinn Norsk-íslensk vinabönd í Reykholti Þann 29. júlí 2010 voru 10 ár liðin frá því að húsnæði Snorrastofu var tekið í notkun. Af því tilefni stóð Snorrastofa, í samvinnu við Sendiráð Noregs á Íslandi að dagskrá sem bar heitið "Norsk-islandske vennskapsdager". Norskir og íslenskir fyrirlesarar og höfundar komu fram og var lögð áhersla á Snorra í Noregi og Bjørnson á Íslandi en hann var vinsæll hér á landi á sínum tíma. Í ár eru liðin 100 ár frá því að Bjørnson lést, og stendur yfir svokallað „Bjørnson-år“ í Noregi af því tilefni. Dagskrá Samstarf um Stofnun Sigurðar Líndals í réttarsögu Háskólinn á Bifröst og Snorrastofa efna til móttöku í tilefni af samstarfi um Stofnun Sigurðar Líndals í réttarsögu, miðvikudaginn 26. maí 2010 í Snorrastofu. Meira Styrkur frá Menningarráði Vesturlands Hæsti styrkur Menningaráðs Vesturlands í ár fór til Snorrastofu. Styrkurinn er ætlaður til að hanna og setja upp nýja sýningu um Snorra Sturluson ævi, skáldskap og hýbýli.   Tvær nýjar bækur frá Snorrastofu   Studies in   Icelandic   Fourteenth   Century Book   Painting   eftir dr. Lena   Liepe, prófessor   í listasögu við   Háskólann í   Osló.   Meira     Snorres Edda   i europeisk   og islandsk   kultur   Ritstjóri er   dr. Jon Gunnar   Jørgensen,   prófessor í   norrænum   fræðum við   Háskólann í   Osló.   Meira   Reykholt tilnefnt til umhverfisverðlauna                      Þann 4. nóvember sl. tilnefndi Umhverfis- og landbúnaðarnefndar Borgarbyggðar Reykholt og umhverfi þess til umhverfisverðlauna Ferðamálastofu. Þessi tilnefning er mikið fagnaðarefni, enda er búið að leggja gríðarlega vinnu í umhverfismálin hér á staðnum.   Meira Snorri - ævisaga Snorra Sturlusonar 1179-1241  eftir Óskar Guðmundsson er komin út. JPV útgáfa gefur út fyrstu heildstæðu ævisöguna um sagnaritarann. Meira       Frá kálfskinni til tölvu Norræn ráðstefna um tungumál lítilla málsvæða, málstefnur, norræn tjáskipti, þýðingar og táknmál, haldin 2.-3. október 2009. www.sprog.is      Hirða í  görðum  Reykholts Vinnuskólakrakkar og fleiri starfsmenn hafa nóg að gera við hirðu á staðnum. Garður umhverfis Reykholt er orðinn stór með nokkrum útivistarreitum og metnaðurinn mikill við að halda þeim snyrtilegum. Nýja gatan í Reykholti, Hallveigartröð var malbikuð í sumar og stöðugt er verið að bæta stíga í skóginum ofan við staðinn, enda kemur fólk í Reykholt að stórum hluta til að njóta útiveru.   Fagurt nýtt altari Í Reykholtskirkju hefur verið komið fyrir nýju altari í Pétursstúku kirkjunnar. Stefán Ólafsson smíðaði altarið. Hin gamla altarisbrík Reykholtskirkju frá því á 16. öld prýðir stúkuna. Þá hefur listiðnaðarkonan Margrét Gunnlaugsdóttir ofið forkunnarfagurt antependium, eftirgerð altarisklæðis frá 1719 sem lengi var í kirkjunni. Meira Styrkur frá Danmörku Rannsóknarverkefnið ,,Pre-Christian Religions of the North" hefur fengið 50.000 danskar krónur (um 1 miljón íslenskra króna) í styrk frá danska sjóðnum ,,A.P. Møller og Hustru Chastine Møllers Fond til almene Formaal". Styrkurinn mun aðallega fara í ritstjórnarfundi á árinu 2009, enda koma ritstjórarnir frá Ástralíu og Bandaríkjunum ásamt ýmsum Evrópulöndum.                September 2010 Námskeið í Grettis sögu      Eins og undanfarna vetur verður boðið upp á fornsagnanámskeið  í samvinnu Landnámsseturs í Borgarnesi, Símenntunarmiðstöðvarinnar og Snorrastofu. Að þessu sinni varð Grettis saga fyrir valinu og  verður námskeiðið  haldið til skiptis á sögulofti Landnámsseturs og  í Snorrastofu, sex mánudagskvöld í vetur, kl. 20-22. Fyrsta sögukvöldið verður mánudagskvöldið  4. október í Landnámssetrinu  Borgarnesi. Kennslan verður í höndum þekktra fræðimanna, sem kryfja og varpa ljósi á söguna, hver frá sínu sjónarhorni:    Bergljót Kristjánsdóttir, Einar Kárason, Guðrún Ingólfsdóttir, Jón Torfason, Viðar Hreinsson og Örnólfur Thorsson.   Fjallað verður m.a. um Grettlu sem bók-menntaverk, - fyrstu nútímaskáldsöguna, örnefni, tilurð, byggingu og stílbrögð sögunnar, hvernig Grettla verður að kvikmyndahandriti og kveðskap í Grettis sögu. Skráning fer fram hjá Símenntunar-miðstöðinni http://simenntun.is   Meira um námskeiðið    Starfsáætlun Snorrastofu 2008 Starfsáætlun Snorrastofu 2007

Tilkynningar       7. maí, þriðjudagur kl. 20:30 Bókhlaða Snorrastofu Fyrirlestrar í héraði Jarðfræði Borgarfjarðar Axel Björnsson jarðeðlisfræðingur flytur. Í erindi sínu mun Axel fjalla um jarðfræði Borgarfjarðar með sérstakri áherslu á uppsveitirnar og segja nokkuð frá fyrirhuguðum jarðvangi sem nú er unnið að í héraðinu. Axel gerðist leiguliði hjá Kristleifi í Húsafelli fyrir tæpum 20 árum og hefur tengst sveitinni nánar með hverju ári síðan Nánar um fyrirlesturinn. 12. maí, sunnudagur kl. 16 Reykholtskirkja Tónleikar Norsk-serbneska samkórsins Tynset Blandetkor Kórinn skipa 29 söngvarar og stjórnandi er Jelena Zlatarov-Marcetic, serbneskur píanóleikari og söngvari. Barítónsöngvarinn Knut Stiklestad syngur með kórnum og serbneski píanóleikarinn Sadjana Gajic leikur á flygilinn. Á efnisskránni eru kórverk frá Serbíu og Noregi, verk eftir Stevan Mokranjac (Liturgia1894-95 og Requiemfrá 1888).   Um aðra viðburði, sjá Viðburðaskrá Snorrastofu, Á döfinni hér til hliðar Vígásar marka inngang sýningarinnar, Sögu Snorra   Við anddyri kirkna og bæjarhúsa á miðöldum var iðulega útskurður, og mikil-úðug aðkoma.               Um vígása   Veturinn á undanhaldi í Reykholti Fleiri vetrarmyndir... ...vormyndir Ljósm.: Guðl. Ósk. Guðrún Sveinbjarnardóttir: Reykholt – Archaeological Investigations at a High Status Farm in Western Iceland Útgefnar bækur Snorrastofu   Nánari upplýsingar og pantanir                           Minningarkort Reykholtskirkju eru til sölu hjá Snorrastofu og einnig kort með myndum af orgeli og kirkjugluggum. Allur ágóði rennur í listskreytingasjóð kirkjunnar. Myndir af gluggum Framtíðarskipulag Reykholts Teikningar á pdf formi. Stefnt er að þvi að byggja við sýningarrýni núverandi húsnæðis Snorrastofu og tengja það í framtíðinni yfirbyggingu á svæði fornleifarannsókna í Reykholti, sem talið er hafa verið aðsetur Snorra Sturlusonar.   Deiliskipulag íbúðarlóða og viðbygginga við eldri hús í Reykholti Formminjar frumtillaga Grunnmynd kjallari Sýningarsalir Grunnmynd 1. hæð Sýningarsalir Reykholt framtíðarskipulag

Sími: 433 8000 Póstnr.: 320 Reykholt Netfang: snorrastofa hjá snorrastofa.is    Menningar- og miðaldasetur,  stofnað í minningu Snorra Sturlusonar   Snorrastofa sinnir rannsóknum, starfrækir bókhlöðu, annast tónleikahald  í kirkjunni og veitir ferðamönnum þjónustu.   Opnunartímar: 1. maí - 31. ágúst: Alla daga kl. 10-18 1. sept. - 30 apríl: Virka daga kl. 10-17 Á öðrum tímum eftir samkomulagi.   Gestamóttaka:  tónleikar og bókun á gestaíbúð og aðstöðu: Netfang: gestastofa hjá snorrastofa.is   Bókhlaðan: er opin almenningi alla virka daga kl. 9 - 17       Bókhlaða Snorrastofu er skráð í Gegni   Smellið hér til að tengjast Gegni                       ALL SENSES           SAGA TRAIL

Snorrastofa    |    Sími: 433 8000    |    320  Reykholt    |    snorrastofa Gestamóttaka og tónleikar: gestastofa