18. ágúst, 2005

Fjölmenni á aldarafmæli Þorgeirs Sveinbjarnarsonar

Mynd_0110271

14. ágúst s.l. var haldið upp á aldarafmæli Þorgeirs Sveinbjarnarsonar, ljóðskálds úr Skorradal, á vegum Snorrastofu í Reykholtskirkju. Um 120 manns sóttu dagskrána, sem var blanda fróðleiks um skáldið, ljóðalesturs og tónlistar. M.a. var frumflutt nýtt tónverk eftir tónskáldið Jón Hlöðver Áskelsson frá Akureyri við ljóð Þorgeirs, söngvasveigurinn ,,Vísur um draum“ í flutningi söngvarans Michael Jón Clarke og píanóleikarans Richard Simm. Þá var eftir hlé boðið upp á tónleika Trio i ein Fjord, tónlistamanna.

Þorgeir Sveinbjarnarson, sem var frá Efstabæ í Skorradal, fæddist 14. ágúst 1905 og lést 19. febrúar 1971. Hann kom snemma fram sem ljóðskáld, en gaf ekki út sína fyrstu bók fyrr en árið 1955. Að öðru leyti átti hann farsælan feril sem íþróttakennari og leiðtogi innan íþróttahreyfingarinnar, í kjölfar náms til íþróttakennara á Íslandi, í Svíþjóð og í Danmörku. Hann hóf starfsferil sinn sem íþróttakennari að Laugum í Þingeyjarsýslu, varð síðan framkvæmdastjóri Íþróttasambands Íslands og lauk starfsævi sinni sem forstjóri Sundhallar Reykjavíkur.

Fyrsta ljóðabók Þorgeirs var Vísur Bergþóru, en ljóðabækurnar urðu í allt þrjár talsins. 1965 gaf Menningarsjóður út Vísur um drauminn og Almenna bókafélagið Vísur jarðarinnar árið 1971. Var hann þá orðinn þjóðþekkt skáld.