28. október, 2016

Fyrirlestur Michèle H. Smith: Vefnaðar-fornleifar segja markverða sögu

Fyrirlestur Michèle H. Smith um vinnu kvenna að vefnaði frá landnámi fram á 17. öld var áhugaverður og óhætt er að segja að fornleifar þær, sem hún hefur sökkt sér í síðustu árin hafa frá mörgu að greina. Bæði má lesa af þeim áhrif á vinnubrögð hér á Íslandi bæði frá Skandinavíu og Bretlandi svona rétt eins og í bókmenntum þessa tíma og einnig er hægt að greina breytingar á vefnaðinum eftir því sem tímanum vatt fram frá landnámi og til þess tíma að vaðmál varð mikilvæg verslunarvara.

Michèle Hayeur Smith er fornleifafræðingur við Brown University, Rhode Island í Bandaríkjunum og hefur starfað við rannsóknir á klæðum og klæðnaði á Íslandi og víðar, meðal annars á Gilsbakka. Hún heimsótti Snorrastofu árið 2014 og hélt þá fyrirlestur um þá rannsókn ásamt manni sínum Kevin Smith.

Myndir tók Bergur Þorgeirsson