2. apríl, 2016

Reykholt hýsir námskeið um jákvæðan aga

Í dag laugardaginn 2. apríl lýkur tveggja daga námskeiði á vegum Anítu Jónsdóttur og samstarfskvenna hennar um jákvæðan aga (Positive Discipline). Þátttakendur eru kennarar og stjórnendur í leik- og grunnskólum, en skólar á Norður- og Suðurlandi hafa um skeið unnið að innleiðingu þeirrar hugmyndafræði við agastefnu og lífsleiknikennslu.

Hópurinn gistir á Fosshóteli staðarins, sem rekið er hér allt árið og nýtir ráðstefnuaðstöðu Snorrastofu í gamla Héraðsskólanum.

Aðstandendur lofuðu aðstöðu og aðbúnað og heimamenn eru að sjálfsögðu stoltir af að hafa uppá slíkt að bjóða.

Myndir tók Guðlaugur Óskarsson í Hátíðarsal Snorrastofu í gamla Héraðsskólanum.