Afþreying í nágrenni Reykholts

Sundlaugin á Kleppjárnsreykjum

Sundlaugin  er opin alla virka daga frá kl. 8.30- 16.00. Opið þriðju- og fimmtudagskvöld frá kl. 20.00 – 22.00.

Netfang: kleppjarnsreykja.laug@borgarbyggd.is
Sími: 435 1140

Nánar

 

Sundlaugin á Húsafelli

Sundlaugin á Húsafelli er ein vinsælasta afþreyingin á svæðinu. Hún var upphaflega byggð árið 1965 en síðan hafa miklar endurbætur verið gerðar á lauginni og umhverfi hennar. Laugarnar eru tvær, ásamt tveim heitum pottum og vatnsrennibraut.

Á sumrin er opið alla daga, en á veturna er opið um helgar. Í desember og janúar er lokað.

Nánar

Reykholtsdalsvöllur (Gólfklúbburinn Skrifla)

Hugmyndir um gerð golfvallar á jörðinni Nesi í Reykholtsdal kviknuðu við þáttaskil í búskap á býlinu. Nes er nýbýli skipt frá jörðinni Skáney árið1937 og liggur í miðjum dal, um 2,5 km vestan við Reykholt við veg  518. Golfvöllurinn liggur austast í landi jarðarinnar milli þjóðvegarins og Reykjadalsár. Hann er ræktaður á gömlum túnum og graslendi. Lækur fellur um hann í landbroti. Næst veginum er sléttlendi með skjólbeltum en nær ánni einkenna lautir og hólar landið.

Nánar

Húsafell — golfvöllur

Golfvöllurinn á Húsafelli er aðili að Golfsambandi Íslands og gilda leikreglur GSÍ á honum.

Golfvöllurinn er 9 holu völlur hannaður af Hannesi Þorsteinssyni. Brautirnar liggja meðfram bökkum Kaldár og Stuttár, þar sem kylfingurinn þarf að vanda sig við leikinn því víða liggja brautir yfir vatn og oft er stutt í skóginn. Fyrsti teigur er fyrir neðan sundlaug. Vallargjöld eru greidd í sundlaugarhúsinu.

Nánar

Hestaleiga

Hestaleiga er rekin að Giljum í Hálsasveit.

Veiðar

Ár í Borgarfirði eru margar og gjöfular. Þar má nefna meginárnar, Norðurá og Hvítá en í þær og um Borgarfjörð falla margar veiðiár:

Flókadalsá, Geitá, Grímsá, Kaldá, Norðlingafljót, Reykjadalsá,  Tunguá, Þverá.

Gönguleiðir

Gefið hefur verið út göngukort yfir Reykholt, sem nálgast má í Gestastofu Snorrastofu. Sjá einnig: Gengið um sögustaðinn Reykholt, sem byggir á því korti.

Þá hefur Reynir Ingibjarsson gefið út bókina, gönguleiðir í Borgarfirði og Dölum. Reykjavík, Salka, 2014.

Nánar

Landbúnaðarsafn Íslands á Hvanneyri

Á Hvanneyri er Landbúnaðarsafn Íslands, safn um verktæknisögu landbúnaðarins á 20. öld.

Nánar

Listasafn Páls Guðmundssonar í Húsafelli

Páll segir að hann sjái myndir í steinunum og að hann þurfi oft ekki að gera mikið til að gera myndirnar sýnilegar öðrum. Þetta geta verið tröll, vættir, huldufólk, dýr og menn sem þannig leynast og hann laðar fram. Hann gerir bæði bergþrykk og svellþrykk auk þess að kljúfa steina í sundur til að finna leyndar myndir inni í þeim. Þá steina kallar hann samlokur en þær geta verið af öllum stærðum.

Nánar

Safnahúsið í Borgarnesi

Byggðasafn, náttúrugripasafn, bókasafn og listasafn.

Nánar

Náttúran

Hverir
Deildartunguhver
Árhver

Ár og fossar
Hvítá
Giljafoss
Rauðsgil
Hraunfossar
Barnafoss
Reykjadalsá

 

Jöklar
Eiríksjökull
Langjökull

Fjöll
Skáneyjarbunga
Strútur
Snældubjörg
Búrfell
Hafursfell