Gisting og þjónusta

Í Reykholti er heilsárshótel, Fosshótel Reykholt og í nágrenninu eru fleiri möguleikar bæði í bændagistingu og á hótelum.

Fosshótel Reykholt

Fosshótel Reykholt er rómantískt hótel í Borgarfirði í aðeins nokkurra mínútna akstursfjarlægð frá Deildartunguhver, Hraunfossum og Húsafelli. Hótelið ber þess merki að vera á söguslóðum, en þar er veitingastaðurinn Kringla og barinn Urðarbrunnur.

Heitu pottarnir bíða eftir að ferðalangar láti þreytuna líða úr sér, hvort sem það er eftir langan dag af útivist eða eftir fundarhöld en á hótelinu er boðið upp á fjölbreytta aðstöðu fyrir ráðstefnur, fundi og aðrar uppákomur.

Nánar

Nes

Nes í Reykholtsdal liggur í um 3ja km. fjarlægð frá Reykholti. Þar er gisting, uppbúin rúm eða svefnpokapláss, í tveimur sambyggðum húsum.

Við bæinn er níu holu golfvöllur. Nes liggur vel til skoðunarferða um helstu náttúruperlur í héraðinu og til lengri dagsferða, t.d. út á Snæfellsnes.

Nánar

Steindórsstaðir

Steindórsstaðir eru í sunnanverðum Reykholtsdal, litlu innar en Reykholt. Jörðin er um 2900 hektarar, auk þess sem hálft fjallendi Búrfells, um 1500 hektarar, tilheyra henni.

Boðið er uppá gistingu í 7 herbergjum í uppábúnum rúmum, með morgunverði.Gestir geta komið með sitt eigið nesti, því eldunaraðstaða er í húsinu og öll nauðsynleg áhöld.

Nánar

Signýjarstaðir í Hálsasveit

Gisting í sumarhúsum á bænum Signýjarstöðum í Hálsasveit í Borgarfirði á suðvestur-Íslandi. Signýjarstaðir, bær þar sem rekinn er hefðbundinn búskapur, eru stutt frá ýmsum af kunnustu og vinsælustu ferðamannastöðum framarlega í Borgarfirði.

Umhverfið er gróið og hlýlegt en ekki langt að aka til þess að upplifa friðsæld á hrjóstrugu hálendinu þar sem stórskorin fjöll og jöklar seiða til sín hugann. Opið allt árið.

Nánar

Geirshlíð

Gisting með sameiginlegum baðherbergjum í hlýlegu sérhúsi á dæmigerðum íslenskum bóndabæ í Borgarfirði á suðvestur-Íslandi. Tilvalið fyrir barnafjölskyldur og þá sem vilja komast í kynni við húsdýr í íslenskri sveit. Fjölbreyttir afþreyingarmöguleikar í nágrenninu, gönguleiðir við byggðina eða upp til fjalla, sund, golf, frægar náttúruperlur og vinsælir ferðamannastaðir á vestanverðu landinu. Opið allt árið.

Nánar

Brennistaðir Flókadal

Á Brennistöðum er boðið upp á heimagistingu og íbúð/herbergi m/sérbaði en auk þess gefst gestum tækifæri til að kynnast dýrunum í sveitinni. Hlýlegt umhverfi og fögur fjallasýn inn til landsins. Ýmislegt til afþreyingar í nágrenninu, gönguleiðir í byggð og um heiðar og í öræfakyrrð fjallanna. Sund og golf. Frægar náttúruperlur og ferðamannastaðir á vestanverðu landinu innan seilingar í stuttum eða lengri dagsferðum. Opið allt árið.

Nánar

Hótel Á

Hótel Á er á bænum Kirkjubóli í Hvítársíðu.
Gisting og verðskrá á Hótel Á.

Á Hótel Á eru 14 tveggja manna herbergi og eitt fjölskylduherbergi öll með sér inngangi og baðherbergi.

Nánar

Húsafell

Húsafell er meðal fjölsóttustu ferðamannastaða hér á landi, enda einstök náttúruperla í stórkostlegu landslagi. Veðursældin, skógurinn, heitar laugar og sú aðstaða og þjónusta fyrir ferðamenn, sem þar hefur verið komið upp á undanförnum árum, laðar til sín fjölda ferðamanna og dvalargesta á hverju ári. Í Húsafelli starfar Hótel Húsafell allt árið.

Nánar

Tjaldsvæði í nágrenni

Næsta tjaldsvæði við Reykholt er Hverinn á Kleppjárnsreykjum, 7 km. vestar í Reykholtsdal.

Nánar

 

Verslun

Í Reykholti er lítil matvöruverslun og bensínstöð, Hönnubúð.