Tónlist í kirkjunni

Reykholtskirkja sem var vigð 28. júlí 1996 er rómuð fyrir fagran hljómburð og á þeim 20 árum sem liðin eru frá vígslu hennar hafa verið haldnir um 800 tónleikar og minningarhátiðir í kirkjunni á vegum Snorrastofu auk kirkjulegra athafna.

Kirkjan tekur um 280 manns í sæti en hægt er með góðum vilja að koma allt að 350 stólum fyrir þar.

Kirkja og safnaðarsalur eru vel búinn tækjum þannig að varpa má hljómi og mynd frá kirkjunni niður í safnaðarsalinn.

Um árabil hafa Reykholtskirkja, Borgarfjarðarpófastsdæmi og Tónlistarfélag Borgarfjarðar haft með sér samstarf um aðventutónleika í upphafi aðventu á hverju ári.

Einnig hafa verið teknir upp margir hljómdiskar í kirkjunni og ýmsir kórar hafa notfært sér aðstöðuna í Reykholti og dvalið um lengri eða skemmri tíma við æfingar.

Sem dæmi má nefna er kórinn, Raddir Evrópu 2000, sem var í Reykholti á vegum Listahátíðar í Reykjavík við æfingar og undirbúning fyrir tónleikaferð kórsins til menningarborga Evrópu árið 2000. Kórinn var skipaður 10 ungmennum frá hverri menningarborg en þær voru 9 það árið. Þorgerður Ingólfsdóttur stjórnaði æfingum ásamt kórstjórum frá hverri borg.

Eistneska tónskáldið, Arvo Pärt, samdi verk fyrir kórinn og dvaldi í Reykholti meðan æfingar á verkinu stóðu yfir.

Reykholtshátíð

Reykholtshátíð hefur verið haldin árlega síðustu helgina júlí i tengslum við Kirkjudag Reykholtskirkju frá árinu 1997.

Stjórnandi og stofnandi tónlistarhátíðarinnar, Reykholtshátíð – sígild tónlist í sögulegu umhverfi, er Steinunn Birna Ragnarsdóttir píanóleikari.

Þegar Steinunn Birna tók við starfi tónlistarstjóra Hörpu – tónlistar- og ráðstefnuhús tók Auður Hafsteinsdóttir fiðluleikari að sér stjórnun hátíðarinar á árunum 2011 og 2012.

Sigurgeir Agnarsson sellóleikari í Sinfóníuhljómsveit Islands hefur nú tekið við stjórninni og stýrir Reykholtshátíð 2013 sem haldin verður dagana 26. — 28. júlí.

Hátíðin er rómuð fyrir frábæran flutning framúrskarandi tónlistarmanna sem nýtur sín afar vel í kirkjunni.

reykholtshatid.is

Reykholtshatid_DSCF3957

Leiga til tónleikhalds

Kirkjan er leigð út til tónleikahalds, æfinga og annara viðburða.

Upplýsingar um verð og annað gefur móttökustjóri Snorrastofu sími: 433 8008 eða 892 1490.

OLYMPUS DIGITAL CAMERA