Fimmtudaginn 28. nóvember næstkomandi verður Prjóna-bóka-kaffið umvafið ferðasögu gönguhópsins, sem gekk síðastliðið haust í kringum Mont Blanc. Flestir í hópnum tengjast Borgarfirði á einn eða annan hátt og gaman verður að heyra af ferðinni og sjá myndir. Það er Ingibjörg Inga Guðmundsdóttir fyrrv. skólastjóri Grunnskóla Borgarfjarðar, sem stiklar á stóru í dagbók sinni úr ferðinni og sýnir myndir frá þessari afreksferð.

Eins og venjulega verður heitt á könnunni, stundin notaleg og allir eru hjartanlega velkomnir.