Fyrsta námskeiðskvöld vetrarins um konungasögur ritaðar í Borgarfirði var haldið mánudagskvöldið 5. október síðastliðið í Landnámssetrinu Borgarnesi. Þátttakendur voru um 20 og góð stemning einkenndi þessa fyrstu atrennu. Óskar Guðmundsson, sem leiða mun námskeiðið í vetur, fór yfir fyrstu hluta Heimskringlu, Prologus, Ynglinga sögu, Hálfdanar sögu svarta, Haraldar sögu hárfagra og Hákonar sögu góða. Næsta kvöld verður í Bókhlöðu Snorrastofu mánudagskvöldið 2. nóvember kl. 20. Munið, að ekki er nauðsynlegt að vera skráður á allt námskeiðið. Hægt er að sækja fyrirlestra  og greiða sérstaklega fyrir þá hjá Símenntunarmiðstöðinni á Vesturlandi (simenntun.is).

Myndasafn