Það var líf og fjör á sagnakvöldi með Emily Lethbridge sem fjallaði um Landnámu – bæði nýjustu rannsóknir á Landnámu og möguleika til miðlunar fróðleiks þaðan.

Hún beindi sjónum sérstaklega að gerð sögukorts með örnefnum og stöðum sem fyrir koma í texta Landnámuhandrita. Emily er brautryðjandi á þessu sviði, því hún hefur verið í samstarfi við félaga sína verið að þróa sagnakort, http://www.sagamap.hi.is/ þar sem örnefnum og staðarheitum úr Íslendingasögunum hefur verið komið fyrir með tilheyrandi tilvísunum.

Notendur ljúka upp einum rómi um nytsemd þessa verkefnis og Emily heldur ótrauð áfram á þessari braut.  Það var vel mætt í Snorrastofu hjá Emily, en hún hefur dvalið til rannsókna í Reykholti og á Kolsstöðum í Hvítársíðu og því kunnug mörgum sveitungum, auk þess sem hún þykir afburða fræðimaður og flytjandi máls.

Umræður voru í samræmi við uppleggið, lifandi og fjörugar þetta kvöld.

Nánar um fyrirlesturinn...

Myndasafn