Þriðjudaginn 19. mars s.l. hélt Sigrún Elíasdóttir sagnfræðingur frá Ferjubakka erindi sitt um Marshalláætlunina og tæknivæðingu Íslands eftirstríðsáranna. Efnið sótti hún í meistaraprófsritgerð sína í sagnfræði, sem hún lauk  árið 2012 frá Háskóla Íslands og lagði áherslu á að hún væri ekki stjórnmálalega fram sett, heldur byggði á upplýsingum um fésýslu og framkvæmd. Fróðlegt var að heyra lýsingu á þeirri framkvæmdagleði og uppbyggingu, sem einkenndu tímabilið 1950-1953 í landbúnaði og sjávarútvegi hér á landi.  Kvöldið var vel sótt og umræður líflegar í lokin. Þær sýndu meðal annars, að menn greinir á um það, af hvaða hvötum þessi aðstoð Bandaríkjanna var veitt og hvernig farið var með hana hér á landi.