Töluverð eftirspurn er eftir lóðum undir íbúðarhús hér í Reykholti og er nú verið að byggja þar tvö einbýlishús og eitt parhús og búið að úthluta sjö lóðum til viðbótar. Ljóst þykir að auka verður lóðaframboð hér á allra næstu árum. Þá er verið að leggja lokahönd á deiliskipulag fyrir 50 hektara svæði úr landi Breiðabólsstaðar, sem er næsta jörð við Reykholt, þar sem gert er ráð fyrir um 57 stórum lóðum fyrir heilsárshús til viðbótar við þau einbýlishús, sem þegar eru á svæðinu. Þá er Fosshótel búið að gera upp hótelið í Reykholti. Þessi þróun gefur að sjálfsögðu tilefni til bjartsýni, ungt fólk úr þéttbýli er að uppgötva dreifbýlið sem vænlegan búsetukost, auk þess sem margir hafa með batnandi efnahag valið sér tvöfalda búsetu sem lífsstíl.

Myndasafn