Samkvæmt venju verður árleg Reykholtshátíð haldin síðustu helgina í júlí, 27.-28. júlí næstkomandi. Saman fléttast þá og blómstra sterkir þræðir staðarins, tónlist í sögulegu umhverfi, fræðastarf Snorrastofu og helgihald Reykholtskirkju.

Opnunartónleikar hátíðarinnar verða föstudagskvöldið 27. júlí kl. 20.

Fyrirlestur Snorrastofu flytur Ólína Þorvarðardóttir 28. júlí kl. 13: Fyrsti blaðamaðurinn – fyrstur til margs. Um náttúrur Jóns lærða.

Sama dag, laugardag kl. 16 verða  fluttar íslenskar kórperlur á fullveldisafmæli og kl. 20 eru kammertónleikarnir,  Mozart og Bartók. 

Á sunnudeginum 29. júlí verður hátíðarguðsþjónusta á kirkjudegi kl. 14 og lokatónleikar hátíðarinnar kl. 16: Hátíðartónleikar: Fullveldi í 100 ár – íslensk kammertónlist frá 1918 til 2018.

Snorrastofa hvetur alla til að leggja leið sína í Reykholt og njóta þess sem staðurinn hefur uppá að bjóða.

Um dagskrá hátíðarinnar má lesa nánar á heimasíðu Reykholtshátíðar og Snorrastofu.

Verið velkomin.