Snorrastofa vekur athygli á Sturluhátíðinni 2025 þann 12. júlí á Staðarhóli og félagsheimilinu Tjarnarlundi, í Saurbæ í Dölum.

Dagskráin hefst kl. 14 á Staðarhóli, bæ sagnaritarans Sturlu Þórðarsonar, með afhjúpun söguskiltis, þess síðasta af mörgum sem félagið hefur látið koma þar upp.

Hátíðinni er svo framhaldið í félagsheimilinu Tjarnarlundi skammt frá Staðarhóli með fjölþættri, fróðlegri og skemmtilegri dagskrá.

Börn og fjölskyldur þeirra eru alveg sérstaklega velkomin á Sturluhátíðina í ár. Vinir okkar á Eiríksstöðum standa fyrir fornum leikjum og þrautum utandyra, sem sérstaklega eru hugsaðir fyrir yngsta fólkið, á meðan hefðbundin dagskrá hátíðarinnar fer fram innan dyra.

Sem endranær verður boðið upp á kaffiveitingar án endurgjalds.

Sturluhátíðin hefur fest sig rækilega í sessi og verið mjög fjölsótt. Gaman væri að sjá ykkur sem allra flest.

Myndasafn