Prjóna-bóka-kaffi bókhlöðunnar hefur hlotið góðan hljómgrunn meðal íbúa og fimmtudaginn 3. október var góð mæting á fyrsta kvöldi vetrarins. Kvöldstundirnar hafa gefist einstaklega vel, meðal annars af því að til þeirra mæta bæði karlar og konur og úr verður sannkölluð baðstofustemning.

Ýmsar skemmtilegar frásögur lifna gjarnan í slíkri stemningu og á þessu fyrsta kvöldi las Haukur Júlíusson ljóð eftir Megas um rauðu rúturnar.

Prjóna-bóka-kaffi bókhlöðunnar verða hálfsmánaðarlega í vetur, annan hvern fimmtudag kl. 20-22.

Allir eru hjartanlega velkomnir.