Viðburðaskrá Snorrastofu fyrir veturinn 2018-2019 er komin út.

Í henni eru tilgreindir viðburðir vetrarins, sem Snorrastofa stendur fyrir auk annarra gagnlegra upplýsinga um stofnunina og starfsemi hennar.

Viðburðir eru fjölbreyttir. Meðal annars fyrirlestrar í héraði, sem eru að meðaltali einu sinni í mánuði, fornsagnanámskeið Snorrastofu, Landnámsseturs og Símenntunarmiðstöðvar Vesturlands og prjóna-bóka-kaffið í bókhlöðunni, sem er hálfsmánaðarlega.

Þá heldur Snorrastofa uppá aldarafmæli fullveldisins með tvennu móti, annars vegar með sögusýningu og fyrirlestri í byrjun nóvember og hins vegar í lok nóvember, vinnustofu og opnum fyrirlestri um þátt Snorra Sturlusonar og arfleifðar hans í sjálfstæðisbaráttu Íslendinga.

Að vori stefnir Stofnunin á að opna staðinn til menningarhátíðar fyrir börn. Sú hátíð er í undirbúningi og mótun en á sér hliðstæðu frá vorinu 2016.

Viðburðaskráin er borin út á hvert heimili í héraðinu og er mikilvægur grunnur litríkrar dagskrár Snorrastofu. Margir leggja þar hönd á plóg og skráin er að sjálfsögðu birt með fyrirvara um breytingar og hér á heimasíðunni er hægt að fylgjast með réttri framvindu.

Myndasafn