Snorrastofa verður með hátíð í bókhlöðu Snorrastofu tileinkaða Snorra Sturlusyni laugardaginn 26. september nk.

 Dagskráin, sem hefst kl. 14, verður tileinkuð goðafræði og sagnaskemmtan.

 Fyrirlestrar:

 Bergur Þorgeirsson, forstöðumaður Snorrastofu: Stutt samantekt um gerð ritraðar um norræna goðafræði.

Ingunn Ásdísardóttir, þjóðfræðingur: Af jötnum.

Terry Gunnell, þjóðfræðingur og prófessor emeritus:  Hlutverk og vettvangur Völuspár fyrr og nú: Hvernig breytist kvæðið í flutningi?

Aðalheiður Guðmundsdóttir, prófessor við Háskóla Íslands: Um guði og hetjur í sagnaskemmtun miðalda.

 Inn á milli verða sýnd myndbönd með áhugaverðum dæmum um miðlun á goðafræðinni, þ.e. brot úr sýningu Västanå teater á Eddu eftir Jon Fosse, flutningur Einar Selvik á broti úr Völuspá, og að lokum brot úr flutningi danska leikhópsins Republique á Völuspá.

 Allir velkomnir, aðgangur ókeypis. Veitingar í hléi.