Fimmtudaginn 9. júlí kl. 20 býður Snorrastofa upp á kynningu á rannsóknarverkefni um Harald harðráða Sigurðarson, Noregskonungs, í bókhlöðu Snorrastofu.

Bergur Þorgeirsson, forstöðumaður Snorrastofu, mun kynna verkefnið með nokkrum inngangsorðum, en fyrirlesari kvöldsins verður dr. Gianluca Raccagni, dósent í sagnfræði við Háskólann í Edinborg.

Yfirskrift fyrirlesturs hans verður: „Harald Hardrada's romantasy and beast slaying tales in Byzantium: comparing European chronicles and Icelandic sagas“. Dr. Raccagni er dósent í sagnfræði miðalda við Háskólann í Edinborg, Skotlandi.

Dagskráin er öllum opin og er aðgangur ókeypis.