Laugardaginn 22. júní verður haldinn skógardagur í Reykholti. Dagurinn hefst á Eggertsflöt kl. 13 og stendur til kl. 16. Ýmislegt verður á boðstólum fyrir unga sem aldna - skógarganga, happadrætti, tónlist, brauð á teini bakað, skátar kenna að súrra og leiki og gestum verða kennd réttu handtökin við tálgun.

Verkefnið er samstarfsverkefni þriggja máttarstólpa í skógrækt á Vesturlandi - Skógræktarinnar, Skógræktarfélags Borgarfjarðar og Félags skógareigenda á Vesturlandi. Skógardagurinn er liður í átaksverkefninu Líf í lundi. Tilgangur Líf í lundi er að kynna almenningi skóga landsins og njóta útiverunnar saman.

Myndasafn