Bodö tekkspilklubb - harmonikuhljómsveit frá Noregi, heldur tónleika í Reykholtskirkju fimmtudaginn 2. ágúst kl. 20. Aðgangur ókeypis.

Stjórnandi hljómsveitarinnar er Oddbhjørn Kvalholm Nikolaisen og á tónleikaskránni eru meðal annars lög eftir Karl Grønstedt, Asmund Bjørken og Leif Göras.

Hljómsveitin var stofnuð árið 1971 og er skipuð tíu harmonikuleikurum auk bassa og gítars. Hún hefur á undanförnum árum komið fram á ýmsum harmonikumótum á Norðurlöndunum og unnið til margra verðlauna fyrir sérlega vandaðan flutning. Hljómsveitin er hér á vegum Félags harmonikuunnenda í Reykjavík og mun koma fram á árlegu harmonikumóti félagins um verslunarmannahelgina að Borg í Grímsnesi. Áður en að því kemur mun hljómsveitin fara í skoðunarferðir um landið og halda í leiðinni tónleika í kirkjunni í Reykholti, en staðurinn er mörgum Norðmönnum hugleikin, enda saga Noregskonunga rituð á staðnum.

Myndasafn