Fyrst til að prófa nýja tækni á Sögu Snorra, Árni og Hrefna með starfsmanni Snorrastofu Sigrúnu Guttormsdóttur

Í dag, 16. júlí 2020 var gestum boðið í fyrsta sinn að nýta nýja tækni við að skoða sýninguna Saga Snorra, sem Snorrastofa setti upp árið 2013 í safnaðar- og sýningarsal Reykholtskirkju-Snorrastofu (jarðhæð).

Hugbúnaðarfyrirtækið Locatify í Borgarnesi býður upp á þessa nýjung í hljóðleiðsögn, sem byggir á nákvæmri staðsetningartækni innanhúss (UWB). Næstu vikur verður gestum boðið að prófa þessa nýju tækni og fyrstu gestirnir, Árni og Hrefna tóku vel í að ríða á vaðið. Leiðsögnin Snorri, innan dyra og utan felst í þeirri viðleitni heimamanna að gestir staðarins gangi vel upplýstir um heimkynni Snorra Sturlusonar.

Verið öll velkomin í Reykholt.

Myndasafn